अभिनेता फरहान र शिवानी बाँधिए विवाह बन्धनमा !
भारतीय अभिनेता तथा निर्देशक फरहान अख्तर र गायिका शिवानी दान्डेकर विवाहको बन्धनमा बाँधिएका छन् । उनीहरु दुई जनाले शनिबार पिता जावेद अख्तरको खण्डालास्थित फार्म हाउसमा विवाह गरेका हुन् ।
रिपोर्टका अनुसार विवाहमा उनीहरूको परिवारका सदस्य, नजिकका साथीका साथै बलिउडबाट आलिया भट्ट, रितेश सिधवानी, ऋतिक रोशन, आमिर खान, डिनो मोरिया र राकेश ओमप्रकाश मेहरा लगायत सेलिब्रिटी समेल थिए ।
शुक्रबार राति जोडीको संगीत समारोह थियो । फरहान र शिवानी करिब ४ वर्षदेखि सम्बन्धमा थिए । र लिभ इनमा बस्दै आइरहेका थिए । केही समय लुकाएपछि दुवैले सन् २०१८ मा आफ्नो सम्बन्धबारे खुलासा गरेका थिए ।
फरहानको शिबानीसँग दोस्रो विवाह हो । यसअघि उनले हेयर स्टाइलिस्ट अधुनासँग विवाह गरेका थिए । उनको दुई जना छोरी पनि छन् ।
