मेटालिक सिल्भर कलर पेन्ट स्किमसहित नेपाल भित्रियो केटीएम आरसी ३९०, यस्ता छन् फिचर
मेटालिक सिल्भर कलरको पेन्ट स्किममा केटीएम आरसी ३९० मोटरसाइकल नेपाली बजारमा भित्रिएको छ ।
नेपालका लागि केटीएमको आधिकारिक वितरक हंसराज हुलासचन्द एन्ड कम्पनीले सो मोटरसाइकल हालै नेपाली बजारमा उपलब्ध गराएको हो ।
नेपाली बजारमा पहिले ब्ल्याक एन्ड ह्वाइटको सिंगल कलरमा मात्र उपलब्ध भएकोमा अब नयाँ आकर्षक कलरमा समेत यो मोटरसाइकल उपलब्ध भएको हो । यसको मूल्य हाल उपलब्ध मूल्य ९ लाख ४४ हजार ९ सय रुपैयाँ नै तोकिएको छ ।
उक्त मोटरसाइकलको नयाँ पेन्टमा आकर्षक ग्राफिक्स पनि दिइएको छ । यसमा केटीएभ आरसी ३९० को ठूलो लोगो देख्न सकिन्छ, जसलाई ओरेन्ज र ह्वाइटमा राखिएको छ ।
यसमा सिल्भर, ओरेन्ज, ह्वाइट र ब्ल्याक कलरको सन्तुलन गराइएको छ । पहिले जस्तै रिममा ओरेन्ज र च्यासिसमा ब्ल्याक कलर दिइएको छ ।
नेपाली बजारमा उपलब्ध मोटरसाइकल मध्ये यो पनि एक स्टाइलिस्ट र आकर्षक मोटरसाइकल हो । यसमा ३७३।२ सीसीको सिंगल सिलिन्डर लिक्विडकुल्ड इन्जिन छ, जसले ४३ बीएचपी पावर र ३६ एनएम टर्क जेनेरेट गर्छ ।
यो मोटरसाइकलमा राइड बाई वायर र स्लिपर क्लच जस्ता विभिन्न फिचर पाउन सकिन्छ । डिजाइनको मामिलामा यो अन्य ४ सय सीसीका मोटरसाइकल भन्दा फरक छ ।
यसको अघिल्लो भागमा रेजर सार्प डिजाइन छ । त्यसैगरी युनिक लुकयुक्त ड्युअल एलईडी हेडल्याम्प र एलईडी टेलल्याम्प छ ।
यो मोटरसाइकलमा ड्युअल डिस्क ब्रेकका साथ ड्युअल च्यानल एबीएस पनि उपलब्ध छ । त्यसैगरी ट्रयाक्सन कन्ट्रोल, मल्टिपल राइडिङ मोड, फुल डिजिटल इन्स्ट्रयुमेन्ट क्लस्टर आदि उपलब्ध छन् । नेपाल अटो
