ओकिनावाको १५० किलोमिटर रेन्ज दिने नयाँ स्कुटर २४ मार्चमा लन्च हुँदैँ, यस्ता छन् विशेषता
छिमेकी मुलुक भारतीय इलेक्ट्रिक स्कुटर निर्माता ओकिनावाले २४ मार्चमा नयाँ इलेक्ट्रिक स्कुटर लन्च गर्ने भएको छ । ओखी ९० नाम गरेको यो स्कुटर निकै नै पावरफुल हुने कम्पनीले जनाएको छ ।
यो स्कुटरलाई एकपटक चार्ज गर्दा १५० किलोमिटर रेन्ज दिने दाबी गरिएको छ ।स्कुटर भैकन पनि यसको पावर तथा पर्फमेन्स भने मोटरसाइकल सरह हुने कम्पनीको भनाई छ ।
लिथियम आयोन ब्याट्री प्याक र पावरफुल इलेक्ट्रिक मोटर जडान गरिएको यो स्कुटरलाई ८० किलोमिटर प्रतिघन्टाको उच्चतम गतिमा हाँक्न सकिने बताइएको छ । यसको मूल्य भारतीय बजारमा १ लाखदेखी १ लाख २० हजार रुपैयाँसम्म पर्ने आँकलन गरिएको छ ।
यो नयाँ स्कुरको हेडल्याम्प, टेल ल्याम्प र साइड इन्डिकेटरमा एलइडी लाइट दिइएको छ । यसमा दिइएको एलइडी इन्स्ट्रुमेन्ट क्लस्टरमा स्कुटरको गति, ब्याट्री चार्ज र रेन्जका बारेमा जानकारी दिने व्यवस्था मिलाइएको छ ।
कनेक्टेड टेक्नोलोजी, भेहिकल अलर्ट, जिओ-फेन्सिङ, टर्न वाई टर्न नेभिगेसन, ई-कल र डाइग्नोस्टिक लगायत फिचर्स समेत यसमा पाउन सकिने संभावना देखिएको छ ।
यो स्कुटरले भारतीय बजारमा ओला एस१, सिप्मल वान, बजाज चेतक, एथर ५०० एक्स लगायत अन्य इलेक्ट्रिक स्कुटरसंग प्रतिस्पर्धा गर्नेछ ।
भारतमा लन्च भए लगत्तै यो नयाँ स्कुटर नेपाल समेत भित्रिने संभावना देखिएको छ । विक्की इन्टरप्राइजेजले ओकिनाव ब्रान्डका लागी नेपालको आधिकारिक बितरकका रुपमा कार्य गर्दै आइरहेको छ । नेपाल अटो