Logo
५ कार्तिक २०७८, शुक्रबार
(October 7, 2021)

‘सामाजिक उत्तरदायित्वका लागि पत्रकारिता’

शाहरुखका छोरा आर्यनलाई ड्रग्स केसमा पक्रिएको घटना राजनीतिबाट प्रेरित !

बलिउड अभिनेता शाहरुख खानका छोरा आर्यन खानको जमानतको लागि आज अदालतमा सुनुवाई हुदैँछ ।मुम्बई क्रुज पार्टी मामिलामा पक्राउ परेका आर्यनको जमानतको याचिकामाथि बिहिबार मुम्बईकामे किला अदालतमा सुनुवाई हुने छ ।

सोमबार अदालतले उनलाई सात अक्टोबरसम्म हिरासतमा राख्नुपर्ने आदेश दिएको थियो । आर्यनसँग अरबाज मर्चेन्ट र मुनमुन धमेचाको जमानतमा पनि आज सुनुवाई हुनेछ ।

यसैबीच महाराष्ट्र सरकारमा क्याबिनेट मन्त्री नवाब मलिकले यो पूरा घटना नक्कली भएको बताएका छन् । पत्रकार सम्मेलनमा नवाब मलिकले भने, ‘आर्यन खानलाई फसाउने उद्देश्यसहित यो सबैकुरा गरिएको हो ।

एनसीबीको यो कारवाहीमा बिजेपीको हात छ र यो गिरफ्तारी पूर्ण रुपमा राजनीतिद्वारा प्रेरित छ । पछिल्लो एक महिनादेखि क्राइम रिपोर्टरबीच अर्को निशाना शाहरुख खान हुने भन्ने जानकारी पुर्याइएको थियो ।’

नवाब मलिकका अनुसार आर्यन खानलाई ‘एनसीबीको नजिक ल्याउने र सेल्फी खिच्ने केपी गोस्वामी र मनीष भानुशाली बिजेपीका नेता हुन् ।’ यद्यपि, एनसीबीले मलिकको आरोपमाथि प्रतिक्रिया दिँदै यसलाई आधारहीन र गलत बताएको छ ।

वास्तवमा आर्यन खान जुन दिन पक्राउ परेको थिए त्यस दिन उनको एक व्यक्तिसँगको सेल्फी भाइरल भयो । यो सेल्फी एनसीबीको हिरासतमा रहेका बेला खिचिएको थियो । त्यसपछि एनसीबीमाथि यस्तो प्रश्न तेर्सिन थालेको हो ।

यसको जवाफमा एनसीबीले सेल्फी लिने व्यक्ति उनका विभागकै व्यक्ति भएको स्पष्टिकरण दियो । नवाब मलिकले सेल्फीमा देखिने व्यक्ति बिजेपीसँग सम्बन्धित भएको दाबी गरेका छन् ।

यो घटना मुम्बईमा एक क्रुजमा भइरहेको कथित रेव पार्टीसँग सम्बन्धित छ । एनसीबी प्रमुख एसएन प्रधानले मुम्बई क्रुज ड्रग्स घटनाको निष्पक्ष अनुसन्धान गरिनेछ । प्रधानले भने, ‘हामी यो मामिलामा निष्पक्ष रुपमा काम गरिरहेका छौं ।’यो घटनामा बलिउड र अन्य केही धनाढ्यको पनि संलग्नता रहेको दावी गरीएको छ ।

प्रकाशित मिति: Oct 7, 2021

प्रतिक्रिया दिनुहोस्