राज कुन्द्रा प्रकरणमा अभिनेत्री सोमी अलीले भन्छिन् : ‘पोर्न फिल्म उद्योगमा जबरजस्ती हुँदैन’
अभिनेत्री शिल्पाका पति राज कुन्द्रा पोनोग्राफी प्रकरणमा पक्राउ परेका राज कुन्द्रा अहिले न्यायिक हिरासतमा रहेका रहेका छन् ।
पोनोग्राफी प्रकरणमा पक्राउ परेका राज कुन्द्रालाई १४ दिनको न्यायिक हिरासतमा राख्न आदेश दिइएको छ । उनीमाथी राजमाथि पोर्न फिल्म बनाएको र प्रशारण गरेको आरोप लागेको छ ।
तर कुन्द्राले उक्त आरोप अस्वइकार गर्दै आएका छन् भने प्रहरीले चाँही दरिलो प्रमाण फेला पारेको दावी गरेको छ ।उक्त घटनामा हालै अभिनेत्री सोमी अलीले राजको प्रकरणमा आफ्नो विचार व्यक्त गरेकी छन् ।
उनका अनुसार पोर्न एक व्यवसाय हो । जो यो व्यवसाय रोज्ने गर्छन्, ‘उनीहरुलाई कसैले मुल्यांकन गर्न हुँदैन । यो व्यवसायमा संलग्न कसैलाई पनि जबरजस्ती गरिदैँन ।’
एक समाचार च्यानललाई अन्तरवार्ता दिँदै सोमीले भनिन्, ‘जब हामी पोर्न वा सेक्सको विषयमा कुराकानी गर्छौं मानिसहरु यसको विषयमा विशेष चासो दिने गर्छन् । पोर्नलाई आफ्नो व्यवसायको रुपमा चुन्ने कसैलाई पनि म जज गर्दिन । विशेषगरी, कसैलाई जबरजस्ती गरिदैँन भने यसलाई मुल्यांकन गर्न पनि उचित हुँदैन ।’
सोमीले कुनै पनि व्यक्तिलाई आफ्नो व्यवसाय चुन्ने निजी अधिकार हुने भएकाले कसैले उनीहरुको बारेमा बोल्ने अधिकार नभएको बताइन् ।
उनले यौन शिक्षा दिनुपर्ने समय आएको भन्दै वेभ सिरीजमा देखाउने इन्टिमेट सीन र बोल्ड सिनको विषयमा पनि आफ्नो राय व्यक्त गरिन् । उनले आर्टलाई वास्तविक देखाउन आवश्वक भएकाले विभिन्न प्रकारका सिनहरु देखाउन आवश्यक भएको बताइन् ।