अभिनेता मारनको कोरोनाको कारण निधन
भारतमा अहिले कोरोना महामारीको दोस्रो लहरले एकदमै विकराल रुप लिएको छ । अहिले भारतमा कोरोनाबाट एकदमै धेरै नागरिकले ज्यान गुमाइरहेका छन् ।
पछिल्लो समयमा कोरोना महामारीबाट कलाकारहरुले ज्यान गुमाउने संख्या बढ्दै गएको अवस्थामा दक्षिण भारतीय (साउथ) फिल्म अभिनेता मारनको कोरोनाका कारण निधन भएको हो ।
४८ वर्षका मारनलाई दुई दिन पहिले चेन्गलपट्टुको एक सरकारी अस्पतालमा भर्ना गरिको थियो । उनको बिहीवार बिहान निधन भएको हो । अव निगम अधिकारीले उनको शवको अन्तिम संस्कार गर्नेछन् ।
मारनको निधले साउथ इन्डस्ट्री शोकमा डुबेको छ । मारनले गिल्ली, कुरुवी, डिशुम, थल्यानगरम र बोस अन्गिर भास्करन जस्ता फिल्ममा काम गरेका छन् ।
उनी सुपरस्टार रन्जीतका साथ एक फिल्ममा देखिँदै थिए । जसको सुटिङ पूरा भैसकेको छ ।
