आज देशभर २६६ संक्रमित थपिए, २ जनाको मृत्यु र १०२ डिस्चार्ज
छिमेकी देश भारतमा कोरोना बढेसँगै नेपालमा पनि त्यसको असर देखिन थालेको छ । नेपालमा पछिल्लो २४ घण्टामा २६६ जनामा कोरोना पुष्टि भएको छ ।
योसँगै नेपालमा कुल कोरोना संक्रमितको संख्या २ लाख ७८ हजार २ सय १० जना पुगेको स्वास्थ्य तथा जनसंख्या मन्त्रालयले जनाएको छ ।
जसमध्ये १ हजार ८ सय ३२ जना सक्रिय कोरोना संक्रकित रहेका छन् । गएको २४ घण्टामा ४ हजार ५ सय ३६ जनाको पिसिआर परिक्षण गर्दा २६६ जनामा कोरोना पुष्टि भएको हो ।
आज १ सय २ जना संक्रमित उपचारपछि डिस्चार्ज भएका छन्। योसँगै नेपालमा निको हुनेको कुल संख्या २ लाख ७३ हजार ३ सय ४२ जना पुगेको मन्त्रालयले जनाएको छ।
आज कोरोनाबाट २ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ३ हजार ३६ पुगेको स्वास्थ्य मन्त्रालयले जनाएको छ ।
हाल नेपालमा ६४ जना क्वारेन्टाइनमा रहेका छन् । अहिलेसम्म नेपालमा पिसिआर परीक्षण हुनेको संख्या २२ लाख ८९ हजार ८ सय २४ पुगेको मन्त्रालयले जानकारी दिएको छ ।