फ्रान्समा कोरोना महामारीको तेश्रो लहर देखिएपछि पुनः लडकडाउन गर्ने
फ्रान्सका प्रधानमन्त्री जीन कैस्टेक्सले फ्रान्समा कोरोना महामारीको तेश्रो लहर सुरु भएपछि एक महिनाका लागि लकडाउन गर्ने घोषणा गरेका छन् ।
फ्रान्समा कोरोना महामारीको तेश्रो लहरका कारण संक्रमितको संख्या दिनानुदिन बढ्दै गएपछि आज रातीदेखि लागु हुने गरी एक महिनाका लागि लकडाउन गर्ने निर्णय गरेको छ ।
जसअन्तर्गत राजधानी पेरिसलगायत अन्य १५ शहरमा कडा रुपमा लकडाउन हुने र तोकिएका शहरहरुको कुनै रेष्टुराँ, जीम हल, सिनेमा हल खुल्ने छैनन् भने फ्रान्सका नागरिक अर्को देशमा जान पाइने छैन ।
फ्रान्सका एकैदिन ३५ हजार संक्रमित थपिएपछि फ्रान्स सरकार लकडाउन गर्न बाध्य भएको हो ।फ्रान्सका स्वास्थ्यमन्त्री ओलिविर वेरनले फ्रान्समा कोरोना संक्रमितमध्ये एकैदिन १५ सय जना गम्भीर बिरामी परेका कारण आइसियुमा उपचार भइरहेको जानकारी दिए ।
कोरोनाको तेश्रो लहर सुरु भएपछि युरोपका कतिपय राष्ट्रहरुले लकडाउनका घोषणा गरिसकेका छन् ।
