अभिनेता विन डिजलको चलचित्र ‘ब्लडसट’ दोस्रोपटक हलमा रिलिज गर्दै
अभिनेता विन डिजलको चलचित्र ‘ब्लडसट’ दोस्रोपटक हलमा रिलिज गर्दै यहि अगस्त २० देखि हलहरू सञ्चालनमा आउन लागेका छन् ।
कोरोना महामारीका कारण लामो समय बन्द रहेका अमेरिकाका हलहरू पुनः सञ्चालनमा आउने तयारीमा हुन् ।
मार्च १३ मा रिलिज भएको सो चलचित्र कोरोनाका कारण स्थगित गर्नु परेको कारण पुनःरिलिज गरी हलहरू खोल्न लागेको अमेरिकाको ठूलो थियटर चेन एएमसीले जानकारी दिएको हो ।
एएमसीले आफ्नो आधिकारिक ट्विटर ह्यान्डलमार्फत यसको जानकारी दिँदै लेखेको छ,“ब्लडसट मार्च १३ मा रिलिज भएको थियो । यद्यपि यो चार दिनमात्रै हलमा चल्न पायो । त्यसैले हामीले यसलाई पुनः रिलिज गर्न लागेका हौं ।”
यद्यपि अगस्त २० देखि कतिवटा हलहरू सञ्चालनमा आउँदै छन् भन्नेबारे भने स्पष्ट छैन । किनभने अमेरिकाका धेरै राज्यहरू अहिले पनि लकडाउनमै छन् । डेभिड एसएफ विल्सनद्वारा निर्देशित यस सुपर हिरो चलचित्र सोही नामको भ्यालिन्छ कमिक्स किताबमा आधारित छ ।
अभिनेता डिजल चलचित्रमा मरिनको भूमिकामा छन् । जसलाई सुपरपावर फिर्ता ल्यान खोजिरहेको संस्थाले एक हतियारका रुपमा प्रयोग गर्छ र सुपरपावर फर्काउने क्रममा उनको निधन हुन्छ ।
महामारीका कारण हलहरू लामो समय बन्द भएकै कारण थुप्रै हलिउड चलचित्रहरू डिजिटल प्लेटफर्ममा रिलिज भएका थिए । तर प्रायस् ठूला चलचित्रहरू भने हल रिलिजकै प्रतीक्षामा छन् । एजेन्सी
