टिभी सिरीयल खिचडीकी अभिनेत्री ऋचा पनि कोरोना संक्रमित
विश्वलाइनै अहिले कोरोना भाइरसले थलापारिरहेको अवस्थामा अहिले कोरोनाबाट विभिन्न उच्च तहका व्यक्ति तथा मिडियाकर्मी र कलाकार पनि संक्रमित भइरहेका छन् ।
त्यस्तै छिमेकी देश भारतमा पनि कोरोनाको कहर लगातार बढ्दै गएको छ । टेलिभिजन र बलिउड कलाकारमा पनि कोरोना संक्रमित हुने क्रम बढ्दो अवस्थामा देखिन्छ ।
केही टेलिभिजनका कलाकारहरु पनि कोरोनाको सुचीमा नाम जोडिएको छ । टिभी सिरीयल ‘खिचडी’ मा चक्कीको नामले लोकप्रिय कलाकार ऋचा भद्राको पनि कोरोना भाइरस जाँच गर्दा रिर्पोट पोजेटिभ आएको छ ।
उनको कोरोना पोेजेटिभ रिर्पोट आएपछि घरमा क्वारेन्टाइनमा गएकी छिन् । ऋचामा अलिअलि लक्षण देखिएपछि कोरोना जाँच गराउन गएकी थिइन् ।
उनले सामाजिक सञ्जालमार्फत आफुलाई कोरोना पोजेटिभ भएको जानकारी दिएकी हुन् ।ऋचाले एक तस्वीर सेयर गर्दै बीएमसीले उनलाई कोरोना पोजेटिभ भएको जानकारी दिएको बताएकी छिन् ।
उनले पछिल्लो समयमा जो जो सम्र्पकमा आए उनीहरु सबैलाई कोरोना जाँच गराउन पनि आग्ह गरेकी छिन् । ऋचाले आफ्ना साथीहरुलाई छिटो निको होस भनी कामना गर्न पनि भनेकी छिन् । यसको साथै सबैलाई सुरक्षित रहन आग्रह गरेकी छिन् ।
