सावधान ! पत्रिकामा बेरिएका खानेकुरा खानाले हुनसक्छ क्यानसरको खतरा
काठमाडौँ : तपाईं धेरै जसो खानेकुराहरु पत्रिकामा बेरेर घर लैजानुहुन्छ वा खाने बेलामा प्रयोग गर्नु हुन्छ होला ?
चटपटे पत्रिका वा काजमा बनाइएको सोलीमा खाने, समोसाहरु वा अन्य सामानहरु पत्रिकामा बेरेर लैजाने गर्नु भएको छ भने होस गर्नुहोस् यो स्वास्थ्यका लागि हानीकारक हुन सक्छ ।
पसलेहरुले पनि पकौडा, समोसा, पुरी, जेरी, मिठाईं आदि खानेकुरा पत्रिकामा बेरेर दिन्छन्। तारेका खानेकुराको तेल सोसियोस् भनेर पनि पत्रिकाकै प्रयोग गरिन्छ। पत्रिकामा राखिएका खानेकुरा स्वास्थ्यका दृष्टिले जोखिमपूर्ण मानिन्छन् ।
यसलाई रोक्न हाम्रो मुलुकमा कुनै कानुनी व्यवस्था छैन। भारतीय खाद्य सुरक्षा एवं मानक प्राधिकरणले केही समय पहिला एडभाइजरी जारी गर्दै पत्रिकामा बेरिएका खाद्यपदार्थ सेवनलाई स्वास्थ्यका दृष्टिले खतरनाक बताउँदै भारतीय नागरिकहरूलाई सचेत गराएको थियो ।
पत्रिकालाई भाँडाका रूपमा प्रयोग गर्दा क्यान्सर, पेटसम्बन्धी समस्या, उच्च रक्तचाप तथा मिर्गौलाको रोग लाग्ने सम्भावना हुन्छ। त्यसैले पत्रिकामा बेरिएको खानेकुराको प्रयोग गर्नुभन्दा पहिला सचेत हुनुहोस् ।
