आमाको आशीर्वाद लिएर भारतीय प्रधानमन्त्री नरेन्द्र मोदीले गरे मतदान (हेर्नुस् भिडियो)
भारतमा लोकसभा चुनावको तेस्रो चरण अन्तर्गत मंगलबार १३ राज्य र दुई केन्द्र प्रशासित प्रदेशका १ सय १७ सिटमा मतदान भैरहेको छ ।तेस्रो चरण अन्तर्गत मंगलबार मैनपुरी, पीलीभीत, रामपुर, मधेपुरा, मालदा उत्तर, वायनाड र गान्धीनगर लगायत क्षेत्रमा मतदान भैरहेको हो ।
गुजरात, केरल, महाराष्ट्र र कर्नाटकको ७४ सीट निर्णायक मानिएको भारतीय सञ्चारमाध्यमले जनाएका छन् । वायनाडमा कांग्रेस अध्यक्ष राहुल गान्धी र गान्धीनगरमा भापजा अध्यक्ष अमित शाह उम्मेद्वार हुनुहुन्छ । १ सय १७ सीटमा १ हजार ६ सय १२ जनाको उम्मेद्वारी परेको छ ।
प्रधानमन्त्री नरेन्द्र मोदी, भारतीय जनता पार्टी भाजपाका अध्यक्ष अमित शाह, गुजरातका मुख्यमन्त्री विजय रुपाणी, केरलका मुख्यमन्त्री पी विजयनलगायतले मतदान गरेका छन् ।
प्रधानमन्त्री नरेन्द्र मोदीले मतदान गर्न जानुअघि उनले आमा हिराबेनको आशीर्वाद लिएका थिए । उनले आमालाई भेटेर पाउ ढोगेको र मिठाइ खुवाएको तस्बिर भारतीय सञ्चार माध्यमले सार्वजनिक गरेका छन् ।
हेर्नुस् भिडियो :
#WATCH PM Narendra Modi meets his mother Heeraben Modi at her residence in Gandhinagar and takes her blessings. #Gujarat pic.twitter.com/uRGsGX0fcw
— ANI (@ANI) April 23, 2019
