गच्छदारको उपस्थितीमा बाढी पिडित पुनर्निर्माण प्राधिकरण बनाउन राजपाको माग

काठमाडौं । राष्ट्रिय जनता पार्टीले शक्ति र अधिकार सम्पन्न बाढी प्रभावित क्षेत्र पुनर्निर्माण प्राधिकरण गठनको माग गरेका छन् । उसले उद्धार, राहत र क्षतिपूर्तिका लागि तत्काल २६ अर्ब विनियोजन गर्न र तथा सहयोगका लागि दातृ निकायहरुलाई आहृवान गर्न माग गरेको छ ।

राजपाले बाढी प्रभावितलाई विनाशकारी भूकम्पबाट प्रभावितहरुलाई जस्तै राहत तथा क्षतिपूर्ति दिनु पर्नेमा जोड दिएको छ ।  राजपा शीर्ष नेताहरुले बुधबार प्रधानमन्त्री शेरबहादुर देउवालाई भेटेर बाढी प्रभावितहरुको राहत तथा उद्दारमा १० बुँदे माग राखेका छन् । उक्त समयमा नेपाल उपप्रधान तथा स्थानिय विकास मन्त्री समेत रहेका नेपाल लोकतान्त्रिक फोरमका अध्यक्ष विजयकुमार गच्छदारको पनि उपस्थिीति रहेको थियो ।