उपलब्ध गराउने सरकारको निर्णयले मधेसवादी दल उत्साही
काठमाडौं । तराई–मधेस आन्दोलन क्रममा ज्यान गुमाउनेका परिवारलाई १० लाख रुपैयाँ क्षतिपूर्ति उपलब्ध गराउने सरकारको निर्णयले मधेसवादी दल उत्साही छन् ।
शुक्रबार बसेको मन्त्रिपरिषद् बैठकले सात दिनभित्र मधेस आन्दोलनमा मृत्यु भएकामा सबै परिवारलाई १० लाख रुपैयाँको दरले क्षतिपूर्ति उपलब्ध गराउने निर्णय गरेको हो ।
यसअघिको सरकारले नै मृतकका अधिकांश परिवारलाई १० लाख रुपैयाँका दरले क्षतिपूर्ति दिइसकेको छ । अझै पनि केही परिवारले रकम नपाएपछि मधेसी दल रुष्ट थिए । आजको नागरिक दैनिकमा खबर छ ।
