चितवन मेडिकल कलेजमा उपचारका क्रममा दुई जना कोरोना संक्रमितको मृत्यु
बाग्मती प्रदेश स्थित चितवन कलेजमा उपचारका क्रममा दुई जना कोरोना संक्रमित पुरुषको मृत्यु भएको छ ।कोरोनाबाट मृत्यु हुनेमा चितवन र रुपन्देहीका एक-एक जना पुरुष रहेका छन् ।
चितवनको रत्ननगरपालिका-९ का ८८ वर्षीय पुरुषको उच्च रक्तचाप र मधुमेहको समस्या भएका उनी अस्पतालमा कात्तिक ११ गते भर्ना भएका थिए ।
अस्पतालको कोभिड आईसीयू कक्षमा उपचाररत उनको आज बिहान ६:५४ मृत्यु भएको अस्पतालका प्रेस संयोजकले जानकारी दिएका छन् ।
उनको स्वाब परीक्षण गर्दा १२ गते कोरोना पुष्टि भएको थियो ।त्यसैगरी रुपन्देही जिल्ला बुटवल उपमहानगरपालिका-८ का ८४ वर्षीय पुरुष कात्तिक ३ गते कोरोना पुष्टि भएर ११ गते अस्पताल भर्ना भएका थिए ।
उनको स्वास्थ्यमा जटिल समस्या भएपछि कोभिड आईसीयू कक्षमा राखेर उपचार हुँदै आएको थियो ।ज्वरो, उच्च रक्तचाप र श्वासप्रश्वासको समस्या भएका उनको गएराति ११,४७ बजे मृत्यु भएको अस्पतालका प्रेस संयोजकले जानकारी दिए ।
