निर्वाचनको सिट बाँडफाँटको जिम्मेवारी कार्यदललाई दिने गठबन्धनको निर्णय
आइतबार बसेको सत्तारूढ गठबन्धनको बैठकले स्थानीय तह निर्वाचनका लागि सिट बाँडफाँटको जिम्मेवारी कार्यदललाई दिने निर्णय गरेको छ ।
आज बिहान प्रधानमन्त्री निवास बालुवाटारमा बसेको शीर्ष नेताहरूको बैठकले यस्तो निर्णय गरेको हो ।नेताहरूबीचमा सिट बाँडफाँट छिटो गर्ने सहमति पनि बनेको स्रोतले जानकारी दिएको छ ।
त्यस्तै कार्यदलको बैठक पनि आजै दिउँसो १ बजे बस्ने तय भएको छ ।कांगेस वरिष्ठ नेता रामचन्द्र पौडेल नेतृत्वमा निर्वाचन तयारी तथा अनुगमन समिति कार्यदल यसअघि नै बनिसकेको छ ।
बैठकमा जिल्लाबाट आएका प्रतिवेदनमाथि छलफल गर्ने र टुङ्गोमा पुग्ने सहमति बनेको छ ।कार्यदलले सिट बाँडफाँटको प्रस्ताव शीर्ष नेताहरूमाझ प्रस्तुत गरेपछि मात्र अन्तिम निर्णय गरिने जनाइएको छ ।
महानगर र उपमहानगरको टुङ्गो केन्द्रले लगाउने सम्भावना छ ।
