अभिनेत्री मलाइका चढेको गाडी दुर्घटना, अस्पतालमा उपचार हुँदै
बलिउडकी अभिनेत्री मलाइका अरोडाको गाडी भारतकाृ गाडी खोपोली एक्सप्रेसवेमा दुर्घटनामा परेको भारतीय सञ्चार माध्यमले जानकारी दिएको छ ।
खबरका अनुसार तीन गाडी एक–आपसमा ठोक्किएका छन् जसमध्ये एक मलाइका आरोडाको पनि थियो ।दुर्घटनाका बेला नायिका गाडीभित्रै थिइन् ।भारतीय सञ्चार माध्यमका अनुसार मलाइकालाई हल्का चोट लागेको छ ।
खोपोली प्रहरी स्टेशनका अनुसार नायिकालाई अपोलो अस्पताल लगिएको छ जहाँ उनको उपचार चलिरहेको छ । प्रहरीका अनुसार घटनाको अनुसन्धानपछि उनले एफआईआर दर्ता गर्नेछिन् ।
मलाइका अरोडाका नजिकका साथीले इन्डिया टुडेलाई दिएको जानकारी अनुसार मलाइकाको घाउमा टाँका लगाइएको छ र हाल उनको अवस्थामा राम्रो छ ।
उनका अनुसार मलाइका दुर्घटनाका कारण ‘शक’मा भने परेकी छिन् । टाउको नजिकै उनले कुशन राखेको भएर उनलाई खासै चोट नलागेको पनि ती साथीले जानकारी दिए ।
