कार्तिक आर्यनलाई ‘मसँग बिहे गर, २० करोड दिन्छु’ फ्यानले भनेपछि….!
भारतीय अभिनेता कार्तिक आर्यन सामाजिक संजालमा पनि निकै सक्रिय रहने अभिनेता हुन् । उनी आफ्नो आगामी प्रोजेट र दैनिक जीवनसँग सम्बन्धित पोष्ट सेयर गरिरहन्छन् ।
भिडियो एक सानी बालिका फ्यानसँगको छ ।हालै पनि उनले एक भिडियो सेयर गरेका छन् । भिडियोमा ती बालिकाले आर्तिकको फिल्म ‘धमाका’को एक डाइलग बोल्दै गरेको देखिएकी छन् । त्यसका क्याप्सनमा कार्तिकले लेखेका छन् ‘सबैभन्दा प्यारा अर्जुन पाठक ।’ उनको यो भिडियोमा धेरैले कमेन्ट सहित माया देखाएका छन् ।
त्यही क्रममा एक फ्यानले कमेन्ट गर्दै कार्तिकलाई भनेका छन् ‘मसँग विहे गर, म २० करोड दिन्छु ।’ जसमा कार्तिकले पनि ठट्टा गर्दै ‘कहिले?’ भन्ने जवाफ दिएका छन् । जवाफमा अभिनेताले हाँसोको इमोजी समेत शेयर गरेका छन् ।
फ्यानको अफर र कार्तिकको जवाफ अहिले चर्चाको बिषय बनेको छ । कामको कुरोगर्ने हो भने कार्तिक अहिले फिल्म ‘शहजादा’ को सुटिङमा व्यस्त छन् ।
यो फिल्म अल्लु अर्जुनको तमिल फिल्म ‘अला वैकुन्ठपुरमुलु’को हिन्दी रिमेक हो । रोहित धवनको निर्देशन रहेको फिल्म ‘शहजादा’ मा कार्तिकको अलवा परेश रावल, रोहित बोस रोय, मनिषा कोइराला लगायतको मुख्य भुमिका रहनेछ । फिल्म ४ नोभेम्बर २०२२ मा रिलिज हुँदैछ । एजेन्सी
