ऋतिक रोशनले आज ४८औं जन्मदिन मनाउँदै, यस्ता छन् उनका रोचक जानकारी!
बलिउडका चर्चित अभिनेता ऋतिक रोशनले आज ४८औं जन्मदिन मनाइरहेका छन् । ऋतिक रोशनको जन्म १० जनवरी सन् १९७४ मा मुम्बईमा भएको थियो ।
एशियाका सबैभन्दा ह्यान्डसम म्यान रहेका ऋतिक रोशन आज आफ्ना ४८ औँ जन्मदिन मनाइरहेका भने उनले फिल्मी ब्याकग्राउन्ड भएता पनि ऋतिकले इन्डष्ट्रिमा आफ्नो स्थान बनाउन निकै संघर्ष गर्नु परेको थियो ।
ऋतिक रोशनको लुक ग्रीसको देवताको जस्तै भएको धेरैले बताउने गर्छन् । त्यसैले उनलाई ग्रीक गड अफ बलिउड पनि भनिन्छ । आज अभिनेताको जन्मदिनको मौकामा उनीबारे केही जानकारी आज हामी तपाइहरु सामु बताउन गइरहेका छौं ।
ऋतिकले सन् २००० को हिट फिल्म कहो ना प्यार हेबाट बलिउडमा धमाकेदार प्रवेश गरेका थिए ।घरमा उनलाई प्रेमले डुग्गु भनिन्छ । ऋतिक दाहिने हातमा दुईवटा औंलासहित जन्मिएका थिए जसका कारण उनलाई अन्यभन्दा भिन्न सोचिन्थ्यो ।
अतिरिक्त औंला भएका कारण स्कूलमा सँगै पढ्ने बच्चा उनीबाट टाढा भाग्थे जसका कारण उनका साथी बन्न सकेनन् ।
ऋतिक रोशन बाल्यकालदेखि नै भकभकाउँथे । यो समस्याका कारण ऋतिकलाई यति लज्जा महसुस हुन्थ्यो कि स्कूलको मौखिक परीक्षा उनलाई झिँझो लाग्थ्यो ।
परीक्षा दिन नपरोस् भनेर उनी कहिले घाउ भएको त कहिले बिरामी भएको बहाना बनाउँथे । घरका सदस्यले उनको स्पीच थेरेपी सुरु गराए जसका कारण उनलाई असाध्यै सहयोग मिल्यो ।
उनको पहिलोपटक ६ वर्षको उमेरमा फिल्म आशा (सन् १९८०) मा कास्ट गरिएको थियो । फिल्ममा उनी जितेन्द्रसँगको गीतमा नाचिरहेको देखिएका थिए । यो भूमिकाका लागि ऋतिकले सय भारु पारिश्रमिक पाएका थिए ।
ऋतिकले पहिलो पटक फिल्म भगवान दादा ९सन् १९८६० मा स्क्रिनमा डायलग बोल्ने मौका पाए । यो फिल्ममा उनी मुख्य पात्र गोबिन्दाको धर्मपुत्रको भूमिकामा देखिएका थिए ।उनको त्यतिबेला १२ बर्षका थिए ।
फेरि २० वर्षको उमेरमा ऋतिक स्कोलियोसिस नामको गम्भीर रोगको शिकार भएका थिए । यो मेरुदण्ड सम्बन्धि एक रोग हो जसका कारण डाक्टरले उनलाई नाच्न र स्टन्ट नगर्न सल्लाह दिएका थिए ।
रोगबारे पत्ता लागेको एक् वर्षपछि ऋतिकले डाक्टरको सल्लाहविरुद्ध जाँदै समुद्र किनारामा जगिङ गर्ने हिम्मत गरे । अभिनेता यसदिन वर्षामा फसेका थिए ।
जब उनलाई जगिङ गर्न समस्या भएन तब उनी क्रमशः तेज गतिमा दौडन सुरु गरे । यो दिनलाई ऋतिक आफ्नो जीवनको टर्निङ पोइन्ट मान्छन् ।
ऋतिकले आफ्नो पिताको फिल्ममा सहयोग गर्न सुरु गरे । सुटिङका बेला ऋतिक भुइँ पुछ्ने र सेटमा भएका मानिसलाई चिया खुवाउने काम गर्दथे ।
उनले खुदगर्ज ९सन् १९८७०, किङ्ग अंकल (सन् १९९३), करण अर्जुन (सन् १९९५) र कोयलाजस्ता फिल्ममा सह–निर्देशकको रुपमा काम गरेका छन् ।
कोयला फिल्मको सुटिङका बेला शाहरुखको सीन दोहोराउँदै ऋतिकले आफू पनि फिल्ममा काम गर्ने निर्ण गरे । राकेश रोशनलाई सहयोग गर्दैगर्दा ऋतिकले किशोर नमित कपुरसँग अभिनयको तालिम लिए ।
ऋतिक रोशन सबैभन्दा पहिला शेखर कपुरको फिल्म ‘तारा रम पम पम’ बाट डेब्यू गर्ने भएका थिए तर यो फिल्म पोस्टपोन भयो । यसैबीच राकेश रोशनले फिल्म कहो ना प्यार हे सुरु गरे जसमा उनले ऋतिकलाई मुख्य भूमिका दिए ।
राकेश रोशन यमा शाहरुख खानलाई कास्ट गराउन चाहन्थे तर उनलाई यो स्क्रिप्ट मन परेन । पछि राकेशले अरुलाई हिरो बनाउनुको साटो ऋतिकलाई कास्ट गर्ने निर्णय गरे ।
फिल्ममा ऋतिक फिल्मफेय बेस्ट डेब्यु र बेस्ट मेलको अवार्ड पाए । यी दुई अवार्ड पाउने ऋतिक पहिलो अभिनेता थिए ।कहो न प्यार हे फिल्म हिट भएपछि ऋतिकलाई ३० हजार युवतीले प्रेम प्रस्ताव राखेका थिए ।
यो कुराको खुलासा अभिनेता आफैंले वार फिल्मको प्रोमोशनका बेला गरेका थिए ।फिल्ममा सफल भएपछि अण्डरवर्ल्डका मानिसले राकेश रोशनसँग पैसा मागेका थिए तर उनले दिन अस्वीकार गरेका थिए ।
राकेशले अस्वीकार गरेपछि केही सुटरले उनको अफिस बाहिर गोली चलाएका थिए । उनको डाइभरलाई गम्भीर अवस्थामा अस्पताल पुर्याइयो । उनको ज्यान भने बच्न सफल भयो ।
करण जोहरले ऋतिकलाई मनिष मल्होत्राको शोरुममा देखेका थिए । यहाँ उनलाई देख्नेबित्तिकै करणले उनलाई आफ्नो आउँदो फिल्म कभी खुसी कभी गममा अभिनय गराउने सोच बनाए ।
फिल्ममा ऋतिक रोहनको भूमिकामा थिए । यो फिल्म इन्डियन सिनेमाको सबैभन्दा सफल फिल्ममध्ये एक हो । फिल्मले संसारभरी १३६ करोड भारु कमाएको थियो ।
