अष्ट्रेलियाले नागरिकमाथी लगाएको विदेश यात्राको प्रतिबन्ध हटाउने
१९ महिनापछि अष्ट्रेलिया सरकारले आफ्ना नागरिकहरुलाई समुद्रपार यात्राको प्रतिबन्ध हटाउने भएको छ ।
अष्ट्रेलिया सरकारले कोरोना महामारीका कारण अनुमति विना समुद्रपार यात्राका लागि लगाइएको प्रतिबन्ध आगामी सातादेखि हटाउने निर्णय गरेको हो ।
आगामी नोभेम्बर १ देखि कोरोनाको पूर्ण खोप लगाएका कुनै पनि अष्ट्रेलियन नागरिकले विदेश यात्राका लागि अनुमति लिनु पर्ने छैन । तर अष्ट्रेलियामा बस्ने विदेशी नागरिकहरुको हकमा भने अहिले नै उक्त प्रतिबन्ध हट्ने छैन ।
तर सन् २०२१ को अन्तसम्ममा विदेशी दक्ष कामदारलाई पनि स्वागत गर्ने तयारीमा आफूहरु रहेको अष्ट्रेलियाका गृहमन्त्ती करेन एन्ड्रूजले बताएका छन् ।
खोप नलगाएकाहरुको हकमा भने कोभिड नियन्त्रण सम्बन्धि सवै शर्तहरु लागू हुने जनाइएको छ ।
