बलिउड अभिनेता नसीरुद्दीन शाह अस्पताल भर्ना
klबलिउड अभिनेता नसीरुद्दीन शाह अस्पताल भर्ना भएका छन् ।स्वास्थ्यमा समस्या देखिएपछि शाह अस्पताल भर्ना भएका हुन् ।
७० वर्षका अभिनेतालाई फोक्सो तथा निमोनियाको समस्या देखिएको छ । यसअगाडि पनि कयौं पटक शाहको स्वास्थ्य अवस्थाबारे यस्तै समाचार बाहिर आएको थियो ।
तर, ती खबर सबै झुटो साबित भएका थिए । अहिले भने खबर साँचो भएको शाहका म्यानेजरले बताएका छन् ।म्यानेजरले भने- ‘शाहलाई दुई दिनदेखि अस्पताल भर्ना गरिएको छ । उनी डाक्टरको निगरानीमा रहेका छन् । निमोनियाका कारण अस्पताल भर्ना गरिएको थियो । अहिले फोक्सोमा पनि समस्या छ र अवस्था स्थिर रहेको छ ।’
शाहले १९७५ को फिल्म ‘निशान्त’ बाट बलिउड डेब्यु गरेका थिए । अहिलेसम्म उनले एकसय बढी फिल्म अभिनय गरेका छन् । उनी पछिल्लो समय ‘रामप्रसाद की तेरहवी’ मा देखिएका थिए । उनी फिल्ममा दमदार अभिनय गर्ने अभिनेताको रुपमा परिचित छन् ।
