महाधिवेशनको तयारीका लागि देउवाले लुम्बिनी, कर्णाली र सुदूरपश्चिमका नेताहरुसँग छलफल गर्दै
नेपाली कांग्रेसका नेताहरु आगामि महाधिवेशन गर्ने कार्यतालिका पारित गरेसँगै आन्तरीक छलफलको तयारीमा जुट्न लागेका छन् ।
कांग्रेसका सभापती शेरबहादुर देउवा आगामी महाधिवेशनबाट पनि आफ्नै नेतृत्वमा पार्टी अघि बढाउने सोचमा शनिवारदेखि सातै प्रदेशका आफू निकट नेताहरूसँग छलफलमा जुटिरहेका छन् ।
त्यस्तै पार्टीको केन्द्रिय कार्यसमितिले आगामि भदौं १६ गतेदेखि महाधिवेशन गर्ने कार्यतालिका पारित गरेसँगै देउवाले आन्तरिक भेटघाट र परामर्श तिव्र पारेका छन् ।
सभापती देउवाले आज पनि आफ्नो समुहका केन्द्रीय सदस्यहरूसँग छलफल गर्दै छन् । आज उनले लुम्बिनी, कर्णाली र सुदूरपश्चिमका आफूनिकट केन्द्रीय सदस्यहरूसँग कुराकानी गर्न लागेका हुन् ।
देउवाले यसअघि आफ्नै निवास बुढानिलकण्ठमा प्रदेश १, २, बाग्मती र गण्डकी प्रदेशका आफ्ना समुहका नेताहरुसाँ छलफल गरिसकेका छन् ।
उनले आइतबार बागमती प्रदेशका नेताहरूसँग छलफल गर्दाकृष्ण प्रसाद सिटौलालाई कार्यवाहक दिएर अघि बढ्न सभापति देउवालाई निकट नेताहरूले सुझाव दिएका थिए ।
आसन्न १४ औं महाधिवेशनमा फेरि सभापतिमा उठ्ने घोषणा गरेका देउवालाई यसपटक आफ्नै समुह मिलाउन कठिन हुने संभावना दखिन्छ ।
लामो समयदेखि आफ्नो समुहमा रहेका उपसभापति बिमलेन्द्र निधीले पनि यसपटक सभापतिका उठ्ने बताएपछि देउवा अप्ठ्यारोमा परेका हुन् ।
निधी असन्तुष्ट भएपछि उनी पछिल्लो सयम कृष्ण सिटौला र अन्य नेताहरुलाई मिलाउनेतर्फ लागेका छन् ।