महिलालाई कस्ता खाले यौन रोग लाग्न सक्छन् ? जान्नुहोस् !
महिलाहरुमा यौन रोग हुनु भनेको सामान्य कुरा हो । महिलाहरुमा पुरुषको तुलनामा यौन रोग हुने सम्भावना बढि हुन्छ । यौन रोगहरुको संक्रमण विशेष रुपमा गोप्य अंग चिलाइरहनु अथवा यूटीआई, गन्हाउनु, सेतो दाग देखिनु, सेतो पानी बग्नु, फङ्गस इन्फेक्शन आदि महिलाहरुमा देखिने सामान्य यौनसंग सम्बन्धित रोगहरु हुन् ।
महिलाहरुमा यौन रोग हुनुको कारण
महिलाहरुमा यौन रोग हुनुको मुख्य कारण असुरक्षित यौनसम्पर्क र यसबारेमा जानकारी नहुनु, इन्जेक्सन र स्तनपान आदि हुन् । यसबाहेक यौन सम्पर्कसंग सम्बन्धित त्यस्ता धेरै कुराहरु जसले यी रोगहरुलाई जन्माउँछ । महिलाहरुमा हुने केही यौन रोगहरुः
क्लेमिडिया
महिलाहरुमा क्लमिडिया रोग क्लेमिडिया ट्रेकोमेटिस नामक जीवाणुबाट हुन्छ । यसका लक्षणहरु निम्न प्रकारका छन् ।
-पिसाव फेर्दा पीडा हुनु
-तल्लो पेट दुख्नु
-भेजिना डिस्चार्ज
-यौन सम्पर्कको बेला हुने पीडा
-महिनावारीको समयमा धेरै रगत बग्नु
गोनोरिया (धातु रोग)
यो रोग ब्याक्टेरियाबाट हुन्छ, जुन शरीरमा तिव्र गतिले फैलन्छ । जसको कारणले घाँटी, मुत्रथैली, योनी आदि संक्रमित हुन्छ । यसको मुख्य लक्षणहरु निम्न प्रकारका छन् ।
-योनीबाट रगत बगिरहनु
-पिसाव फेर्दा पीडा हुनु
-लामो समयसम्म रक्त श्राप हुनु
-योनी चिलाइरहनु
स्केबीज
यो रोग यौन सम्बन्ध, एक-अर्काको सम्पर्कका कारण अथवा यो रोगको संक्रमित व्यक्तिको लुगा अथवा ओछ्यानको प्रयोगले पनि सर्न सक्छ । यसको मुख्य लक्षणहरु निम्न प्रकारका छन् ।
-नाडी तथा औंलाको बीचमा दाना आउनु र चिलाउनु
-गुप्ताङ्गको वरिपरि चिलाएर साना-साना दाना निस्कनु
सिफिलिस
ट्रेपेनेमा पेलिडम सिफलिस भाइरस यस संक्रमणको मुख्य कारण हो । महिलाहरुमा यो संक्रमण महिलाको गोप्य अंगको बाहिरी भाग, सर्विक्स र गुद्वारमा हुन्छ । यसका लक्षण निम्न प्रकारका छन् ।
जेनिटल वार्ट
महिलाहरुमा सामान्यतया देखिने यो रोग एचपीवी अथवा हृयूमन पेपिलोमा भाइरस हो । यस रोगमा महिलाको गोप्य अंगमा मुसा (छालामा निस्कने एक प्रकारको फोका) निस्कन्छ । जुन छालाको रंगको नै हुन्छ । यो चिलाउँछ तर छुँदा दुख्दैन । यसले एचपीवी अर्थात पाठेघरको मुखको क्यान्सर हुन सक्ने सम्भावना हुन्छ । यसका लक्षणाहरु निम्न प्रकारका छन् ।
-योनीको माथिल्लो अथवा भित्रि भागमा सर्विक्स र एनसमा दाना निस्कनु,
-महीनावारी हुदा पीडा हुनु ।
-योनी चिलाउनु
-यौनसम्पर्कको समयमा रगत बग्नु
जेनिटल हर्पीज
यो संक्रमणले ग्रसित महिलालाई ज्वरो आउने, थकाइ लाग्ने र ढाडको तल्लो भागमा पीडा हुने र सुन्निने जस्ता समस्या हुन्छ । यो रोगका निम्न प्रकारका लक्षणहरु छन् ।
-गुद्वार, योनी र अन्य क्षेत्रमा स-साना रातो दाना निस्कन्छ । यसको साथै योनी, तिर्घाको वरपर चिलाउनु अथवा दुख्ने हुन्छ ।
ब्याक्टेरियल भेजिनोसिस
जब महिलाको योनी जीवाणु बढ्न थाल्छ, ब्याक्टेरियल भेजिनोसिसको समस्या बढ्न थाल्छ । प्रायः यो रोगले ग्रसित महिलामा कुनै प्रकारको लक्षण देखिँदैन । यसका जीवाणुहरु बढ्दा कुनै किसिमको नोक्सान नहुने भएकोले यसका लक्षणहरु नदेखिएका हुन् । तर पनि कहिलेकाँहि यस रोगका केहि लक्षणहरु उत्पन्न हुन्छ ।
-योनिबाट सेतो पानी अथवा पहेंलो पानी बग्नु
-अत्याधिक गन्हाउनु
-पीसाव फेर्दा पीडा हुनु
-योनीको बाहिरी भागमा चिलाउनु,रातो दाग बस्नु र सुन्निनु ।
केन्डिडा
यो एक किसिमको यिस्टको संक्रमण हो । यो संक्रमणमा पनि प्रारम्भमा कुनै लक्षण देखिंदैन । यसका केहि लक्ष्ँणहरु निम्न प्रकारका छन् ।
-योनीको वरिपरी पोल्नु
-योनी चिलाउनु,रातो हुनु र सुन्निनु
-योनीबाट गाढा गन्हाउने तरल पदार्थ बग्नु
-पीसाव फेर्दा र यौनसम्पर्क राख्दा पिडा हुनु ।
वाटर वाट
यो संक्रमण भाइरसको कारण हुन्छ र छालामा नराम्रो असर गर्छ । यसको लक्षण निम्न प्रकार छन् ।
-पानी भरिएको सानो फोका योनी, गुद्वार,तिर्घामा देखिनु
एक्टोपेरासिटिक
यो संक्रमण साना परजीवी किरा अथवा जुम्राहरुका कारण हुने गर्छ । यसले कपाल र छालालाई प्रभावित गर्छ । यसका निम्न लक्षणहरु हुन्छ ।
-योनी धेरै चिलाउनु र शरीरमा स-साना फोकाहरु देखिनु ।
इम्यूनोडेफिशियेन्सी भाइरस (एचआइभी)
एड्सको कारण उत्पन्न हुने भाइरसलाई एचआईभी भनिन्छ । यो रगत, योनी,स्तनको दुधको माध्यमबाट सर्न सक्छ । यसका निम्न लक्ष्ँणहरु हुन्छन् ।
-मन्द ज्वरो आउनु
-थकाइ लाग्नु
-मांसपेशी दुख्नु
-वजन घट्नु आदि
तपाईंमा यी मध्ये कुनै पनि समस्या देखियो भने तुरुन्त चिकित्सकसंग भेटेर परामर्श लिनु पर्छ ।
