देशभर आज थप ५०२ जनामा कोरोना पुष्टि, २८७८ डिस्चार्ज
आज देशभर थप ५०२ जनामा कोरोना पुष्टि भएको छ । योसँगै संक्रमितको संख्या २ लाख ११ हजार ४७५ पुगेको स्वास्थ्य मन्त्रालयले जानकारी दिएको छ ।
स्वास्थ्य तथा जनसंख्या मन्त्रालयका अनुसार देशभर २ हजार ८७८ जना संक्रमणमुक्त भएका छन्। योसँगै संक्रमणमुक्त हुनेको संख्या १ लाख ७९ हजार २४२ पुगेको छ।
आज देशभर १७ जना संक्रमितको मृत्यु भएको छ। अहिलेसम्म १ हजार २४७ जना संक्रमितको मृत्यु भइसकेको छ। देशभर अहिले ३० हजार ९८६ जना सक्रिय संक्रमित रहेका छन् ।