Logo
August 29, 2019

‘सामाजिक उत्तरदायित्वका लागि पत्रकारिता’

प्रथम ‘प्रकाश दाहाल स्मृति भलिबल’ प्रतियोगिता हुने

प्रथम प्रकाश दाहाल स्मृति प्रगतिशील युवा नेपाल कप भलिबल प्रतियोगिता हुने भएको छ । प्रगतिशील युवा नेपाल (गोरखा-काठमाडौँ) को आयोजनामा यही भदौ २४ देखि २८ सम्म राष्ट्रिय खुला पुरुष भलिबल प्रतियोगिता हुन लागेको हो ।

प्रगतिशील युवा नेपालले बिहीबार यहाँ पत्रकार सम्मेलन गरी सर्वाधिक धनराशि पुरस्कार भएको भलिबल प्रतियोगिता आयोजना गर्न लागेको जानकारी दिएको हो । पत्रकार सम्मेलनमा युवा नेपालका अध्यक्ष दीपक थापाले खेलाडीलाई नयाँ ऊर्जा थप्नका लागि खुला भलिबल प्रतियोगिताको आयोजना गर्न लागेको जानकारी दिए ।

खेलकूदको विकास भएमात्र समृद्ध मुलुक निर्माण हुने भन्दै प्रगतिशील युवा नेपालले खेलकूदको विकासका लागि काम गर्न लागेको उनको भनाइ छ ।

काठमाडौँ महानगरपालिका-२६ नयाँ बसपार्कस्थित ढोरपाटन क्लबको खेलमैदानमा हुने प्रतियोगिताको विजेता समूहले रु ५ लाख पाउनेछ । यस्तै द्वितीय पुरस्कार रु ३ लाख, तृतीय पुरस्कार रु १ लाख, चौथो पुरस्कार रु ५० हजार रहेको छ ।

प्रतियोगिताको सर्वोत्कृष्ट खेलाडीलाई एक थान मोटरसाइकल, स्पाइकर, ब्लकर, डिफेन्डर, सर्भर र प्रशिक्षकले जनही रु १०-१० हजार हात पार्ने अध्यक्ष थापाले बताए ।

प्रकाशित मिति: १२ भाद्र २०७६, बिहीबार ११:२८

प्रतिक्रिया दिनुहोस्