डिलिट भएका नम्बरहरु गुगलबाट यसरी प्राप्त गर्न सकिन्छ
अहिले परिवार तथा मित्रजनहरुमा सम्पर्क स्थापित गर्न तथा जोडिइरहनका लागि स्मार्टफोनले अहम् भूमिका निर्वाह गरिरहेको छ ।
तर कहिलेकाहिँ दुर्घटनावश स्मार्टफोनमा रहेका नम्बरहरु डिलिट हुन पुग्छन् । त्यसपछि सबैभन्दा ठूलो समस्या नै अत्यावश्यक फोन नम्बरहरुलाई पुनः प्राप्त गर्नु अर्थात् रिस्टोर गर्नु नै हुन्छ । स्मार्टफोनबाट डिलिट भएका कन्ट्याक्टसहरु प्राप्त गर्न तपार्इंले ठूलो चिन्ता गर्नु पर्दैन । गुगलको सहयोगले सजिलैसँग तपार्इंले गुगल ड्राइभमा सेभ भएका नम्बरहरु प्राप्त गर्न सक्नुहुन्छ । त्यसका लागि केही चरणहरु पूरा गर्नुपर्दछ ।
- सबैभन्दा पहिले आफ्नो ब्राउजरमा गुगल कन्ट्याक्ट्स contacts.google.com वेबसाइट खोल्नुहोस् । तपार्इंका नम्बरहरु जुन जिमेल ठेगानासँग आबद्ध गर्नुभएको थियो सोही जिमेलमा लगइन गरी ब्राउजरमा उक्त साइट खोल्नु आवश्यक हुन्छ ।
- वेबसाइट खोलिसकेपछि त्यसको माथि बायाँतर्फ रहेको मेन्यूमा जानुहोस् More बटनमा क्लिक गर्नुहोस् । त्यसपछि तपार्इंले undo changes को अप्सन देख्नुहुनेछ ।
आफूलाई जुन समय भित्र डिलिट भएका वा परिवर्तन गरिएका सम्पर्क नम्बरहरु पुरानै अवस्थामा चाहिएको हो, सोही अनुसारको समय छानेर रिस्टोर गर्न सक्नुहुन्छ । यस प्रकार तपार्इंले डिलिट वा इडिट भएका सम्पर्क नम्बरहरु पुनः प्राप्त गर्न सक्नुहुन्छ । तर ध्यान दिनुपर्ने कुरा के भने तपार्इंले ३० दिन भित्रमा डिलिट भएका कन्ट्याक्स रिस्टोर गर्नैपर्दछ । अन्यथा रिस्टोर गर्न सकिँदैन ।