भूमिहीनलाई जग्गा प्राप्तिको निवेदन ३५ दिनभित्र स्थानीय तहमा बुझाउन आयोगको आग्रह
भूमिहीनलाई जग्गा प्राप्तिको निवेदन ३५ दिनभित्र स्थानीय तहमा बुझाउन भूमि सम्बन्धी समस्या समाधान आयोगले आग्रह गरेको छ ।
आज सार्वजनिक सूचना जारी गर्दै आयोगले जग्गा पाउन तोकिएको ढाँचा बमोजिम निवेदन फारम भरी ३५ दिनभित्र स्थानीय तहमा बुझाउन भनेको हो ।
भूमिहीन दलित, सुकुम्बासी र अव्यवस्थित बसोबासीलाई आफू बसोबास गरिरहेको वा आवाद गरेको जग्गा प्राप्तिका लागि ३५ दिनभित्र स्थानीय तहमा निवेदन बुझाउन भूमि सम्बन्धी समस्या समाधान आयोगले भनेको छ ।
निवेदन बुझाउनका लागि सातवटै प्रदेशमा स्थानीय तहहरु आयोगले तोकेको छ । फारममा उल्लेखित विवरणलाई पुष्ट्याइँ गर्ने प्रमाण पनि पेस गर्न आयोगले भनेको छ ।
जग्गा प्राप्तिको निवेदन घरदैलोमा खटिएका लगत संकलक वा सम्बन्धित वडा कार्यालयमा सीधै बुझाउन सकिने छ ।
थप जानकारीको लागि आयोगको सूचना हेर्नुहोस् –
