ललितपुरको गोदावरी नगरपालिकाले आजदेखि निःशुल्क पीसीआर परीक्षण गर्दै
बाग्मती प्रदेश स्थित ललितपुरको गोदावरी नगरपालिकाले आजदेखि निःशुल्क कोरोना परीक्षण गर्ने भएको छ ।
सरकारले कोरोना सक्रमितको उपचार आफैले गर्ने भनेपछि नगरपालिकाले नगरबासीहरुको आजदेखि निःशुल्क कोरोना परीक्षण लागेको हो ।
नगरपालिकाका अनुसार लक्षण देखिएका व्यक्तिहरुको आनन्दवन अस्पतालमा निःशुल्क पीसीआर परीक्षण गरिने छ ।
नगरप्रमुख गजेन्द्र महर्जनले लक्षण देखिएकाहरुको नगरपालिकाको विपद् व्यवस्थापन कोषबाट निःशुल्क पीसीआर परीक्षण गरिने जनाएका छन् ।
