पन्जाबको लुधियाना अदालतमा बम विस्फोट हुँदा दुई जनाको मृत्यु, ४ घाइते
छिमेकी मुलुक भारतको पन्जाबस्थित लुधियानाको अदालत परिसरमा बम विस्फोट हुँदा दुई जनाको मृत्यु भएको छ । उक्त बम विस्फोटमा परी अन्य चार जना घाइते भएका छन् ।
लुधियानाको प्रहरी कमिस्नरले बिबिसीलाई दिएको जानकारी अनुसार विस्फोट आज दिउँसो १२ बजेर २२ मिनेटमा अदालतको दोस्रो तलामा रहेको रेकर्ड कक्षमा भएको हो ।
विस्फोटपछि घाइते भएकालाई अस्पताल भर्ना गरिएको छ भने घटनास्थलमा प्रहरीका वरिष्ठ अधिकारीहरू उपस्थित छन् । उनीहरुले अदालतलाई पुरै घेरेर कडा सुरक्षामा राखेका छन् ।
