बैतडीमा एमालेका २० जना जनप्रतिनिधिले रोजे एकीकृत समाजवादी
सुदूरपश्चिम प्रदेश स्थित बैतडीका एमालेका २० जना जनप्रतिनिधिले नेकपा एकीकृत समाजवादी पार्टी रोजेका छन् ।
उनीहरुले सोमबारनै माधवकुमार नेपाल नेतृत्वको नेकपा एकीकृत समाजवादीमा सनाखत गरेका हुन् । नेकपा एकीकृत समाजवादीले बैतडी सदरमुकाममा पार्टी कार्यालय स्थापना गरेको छ ।
जिल्ला निर्वाचन कार्यालयका प्रमुख माधव फुयाँलले स्थानीय तहको निर्वाचनमा एमालेबाट जितेका २० जना जनप्रतिनिधिले एकीकृत समाजवादीमा सनाखत गरेको जानकारी दिए ।