कोरोनाको बुस्टर डोज खोप लगाउन हतार नगर्न धनी राष्ट्रहरुलाई डब्ल्युएचओको आग्रह
विश्व स्वास्थ्य संगठन (ब्ल्युएचओ) ले कोरोना बिरुद्धको बुस्टर डोज लगाउन हतार नगर्न धनी राष्ट्रहरुलाई आग्रह गरेको छ ।
डब्ल्युएचओका प्रमुख डा. टेड्रोस एडोनोम गेब्रिएससले कोरोना बिरुद्धको दोश्रो डोज अभियान सम्पन्न भएका राष्ट्रहरुले बुस्टर अभियानलाई दुइ महिनाका लागि थाँती राखी भ्याक्सिन नपुगेका राष्ट्रहरुलाई भ्याक्सिन उपलब्ध गराउन आग्रह गरेका हुन् ।
उनले अमेरिका, इजरायल, बेलायत, र हंगेरीले बुस्टर डोज अभियानको घोषणा गरेकै बेला ती राष्ट्रहरुलाई त्यसो नगर्न आग्रह गरे ।
हंगेरीको बुढापेष्टमा सञ्चारकर्मीहरुसंग कुरा गर्दै उनले कोरोनाको तेश्रो भेरिएन्ट फैलने क्रममा रहेको बेला महामारी नियन्त्रणका लागि बुस्टर अभियान रोक्न अपिल गरेका हुन् ।
धनी राष्ट्रहरुले शत प्रतिशत खोप अभियान सम्पन्न गरेको भन्दै उनले गरीब राष्ट्रहरुमा भने ३० प्रतिशत जनताले पनि खोप लगाउन नपाएको उल्लेख गरे ।
यसअघि उनले मौसम परिवर्तनसँगै कोरोना भाइरस परिवर्तन नहुने भन्दै उनले विश्वका जनताले कोरोनासँग जुध्ने बाहेक कुनै उपाय नभएको बताएका थिए ।