फोनबाटै नेपालले केन्द्रीय सदस्यहरूलाई भने-‘आजै दल दर्ता गर्नुपर्ने हुनसक्छ’
नेकपा एमाले विभाजनको प्रक्रिया आजैबाट सुरु हुने सङ्केत देखिएको छ ।
सरकारले राजनीतिक दल सम्बन्धी अध्यादेश जारी गरे लगत्तै छुट्टै दल दर्ता गर्ने तयारी भइरहेको नेपालनिकट स्रोतले जानकारी दिएको छ ।
स्रोतका अनुसार नेपालले आफूनिकट केन्द्रीय सदस्यहरूलाई फोन गरेर ‘आजै दल दर्ता गर्नुपर्ने हुनसक्छ’ भन्दै तयारी अवस्थामा रहन भनेका छन् ।
नेपाल पक्षले केन्द्रीय सदस्य र सांसदहरूको हस्ताक्षरसमेत सङ्कलन गरिसकेको स्रोतका भनाइ छ ।आज बालुवाटारमा बसेको मन्त्रिपरिषदको बैठकले संसदीय दल वा केन्द्रीय समितिका २० प्रतिशत सदस्यले चाहेमा दल विभाजन गर्नसक्ने प्रावधान सहित अध्यादेश जारी गरेको छ ।
राष्ट्रपतिबाट अध्यादेश प्रमाणिकरण भएपछि नेपाल पक्ष आजै निर्वाचन आयोग जाने स्रोतले बताएको छ ।