१४औं महाधिवेशनको विषयमा छलफल गर्न आज पनि कांग्रेस पदाधिकारी बैठक
नेपाली कांग्रेसको पदाधिकारी तथा पूर्व पदाधिकारको बैठक आज पनि बुढानीलकण्ठमा बस्दैछ ।
बैठक आज दिउँसो २ बजेका लागि प्रधानमन्त्री शेरबहादुर देउवाले निजी निवास बुढानीलकण्ठमा बोलाएका हुन् । बैठकमा आगामी १४औं महाधिवेशनको विषयमा छलफल हुने जनाइएको छ ।
यसअघि हिजो बसेको बैठकले क्रियाशील सदस्यता सम्बन्धमा थप केही नमिलेको भए मिलाएर ल्याउन एक दिनको समय दिएको थियो ।
आजको बैठकमा सोही विषयमा थप छलफल हुने छ । क्रियाशील सदस्यताको विवादका कारण कांग्रेसको आगामी महाधिवेशन पूर्व निर्धारित भदौ १६ को मिति भने प्रभावित हुने भएको छ ।
