सिनोफार्म खोप ल्याउन निगमको जहाज आज बेइजिङ जाँदै, १० लाख डोज ल्याउने
कोरोना विरुद्धको सिनोफार्म खोप ल्याउन नेपाल वायु सेवा निगमको जहाज आज बेइजिङ जादैँ छ । न्यूनतम १० लाख डोज कोरोना विरुद्धको सिनोफार्म खोप ल्याउन आज राती निगमको जहाज बेइजिङ प्रस्थान गर्ने छ ।
कार्यतालिका अनुसार भोलि बिहान ६ बजे खोप ल्याएर काठमाडौं आइपुग्ने छ । सो जहाज थप १० लाख डोज खोप ल्याउन पुनः भोलि बेइजिङ जाने छ ।
यस्तै बाँकी खोप ल्याउन शनिवार पुनः निगमको जहाज बेइजिङ प्रस्थान गर्ने कार्यतालिका छ ।चीनबाट तीन खेपमा ३२ लाख डोज खोप ल्याउने सरकारको योजना छ ।
नेपालले नन-डिस्क्लोजर सहमतिअनुसार ४० लाख डोज खोप खरिद गरेको हो । स्वास्थ्य मन्त्रालयका अनुसार अहिलेसम्म ६५ लाख ८२ हजार ८५० डोज खोप नेपाल आइसकेको छ ।
अनुदान, खरिद र कोभ्याक्स संयन्त्रमार्फत नेपालले खोप प्राप्त गरेको हो ।
