चिनियाँ अनुदानको ‘भेरोसेल’ खोप जेठ २५ गतेदेखि ६० देखि ६४ वर्षका नागरिकलाई लगाउने
चिनियाँ अनुदानको ‘भेरोसेल’ खोप जेठ २५ देखि ६० देखि ६४ वर्षका नागरिकलाई लगाउने सरकारले जनाएको छ ।
चीन सरकारबाट अनुदानमा आएको खोप आउँदो २५ गतेदेखि लगाइने स्वास्थ्य तथा जनसङ्ख्या मन्त्रालयले जानकारी दिएको छ । नागरिकले खोप लगाउन जाँदा सरकारी कागजात वा वडा कार्यालयले दिएको सिफारिस लैजानुपर्नेछ ।
चीनले यसअघि पनि आठ लाख डोज खोप अनुदानमै दिएको थियो । चीनले अनुदान घोषणा गरेको १० लाखमध्ये नौ लाख डोज खोप हिजो काठमाण्डौ आइपुगेको हो ।
एक लाख डोज आज आइपुग्ने भएको छ । राष्ट्रपति विद्यादेवी भण्डारीको आग्रहमा चिनियाँ राष्ट्रपति सी जिनफिङले अनुदानमा खोप दिने घोषणा गर्नुभएको थियो ।
