अनमी, सिएमएलगायतका २३८ प्राविधिक विषयको एसएलसी सरहको कार्यक्रम खारेज
सिटिइभिटी अन्तर्गत स्वास्थ्य विषयका प्राविधिक एसएलसी सरहको कार्यक्रम राष्ट्रिय चिकित्सा शिक्षा आयोगले खारेज गरेको छ ।
साउन ३० गते बसेको आयोगको बैठकले प्राविधिक एसएलसी सरहका कार्यक्रम खारेज गरेको उपाध्यक्ष प्रा.डा.श्रीकृष्ण गिरीले जानकारी दिए ।
चिकित्सा शिक्षा ऐनको दफा ४२ अनुसार प्रमाणपत्र तहभन्दा मुनिका सबै कार्यक्रम यसै शैक्षिक सत्रबाट बन्द गर्ने निर्णय भएको उनले बताए ।
पहिला -पहिला विद्यार्थीहरु कम थिए र खारेज गर्नु पर्ने थिएन तर अहिले विद्यार्थी वृद्धि भएकाले प्राविधिक एसएलसी सरहको कार्यक्रम बन्द गर्ने निर्णय गरेका हौ गिरीले भने ।
यो निर्णयपछि अनमी, सिएमए, ल्याब असिस्टेन्टलगायतका २३८ विषय पढाउने १३७ वटा कलेजको सम्बन्धन पनि खारेज भएको छ ।
उनले यो खारेज व्यवस्था ऐनमा नै रहेको र आफसूहरुले सो व्यवस्थाको कार्यान्वयन गर्न खोजेको बताए ।
उनका अनुसार अब त्रिभुवन विश्वविद्यालयले संचालन गर्दै आएको पिसिएल नर्सिङ विषयमा पनि यो वर्षदेखि भर्ना लिन पाइने छैन ।
