Logo
२९ असार २०८१, शुक्रबार
(June 5, 2024)

‘सामाजिक उत्तरदायित्वका लागि पत्रकारिता’

आइसिसी टी–२० विश्वकप क्रिकेटः नेपाल नेदरल्यान्डससँग ६ विकेटले पराजित

आइसिसी टी–ट्वान्टी पुरुष विश्वकप क्रिकेट प्रतियोगितामा नेपाल नेदरल्यान्डसँग पराजित भएको छ । नेपाल ६ विकेटले पराजित भएको हो । अमेरिकाको डालासस्थित ग्राण्ड प्रेरी रङ्गशालामा नेदरल्यान्डसले टस जितेर फिल्डिङ रोजेपछि नेपालले पहिला ब्याटिङ गरेको थियो । नेपालले नेदरल्यान्डससामु १०७ रनको लक्ष्य प्रस्तुत गरेको थियो ।

नेदरल्यान्डसले उक्त लक्ष्य १८.४ ओभरमा ४ विकेट गुमाउँदै पुरा गरेको हो । नेदरल्यान्डसका म्याक्स ओडाउडले अर्धशतक प्रहार गरे । उनी ५४ रनमा अविजित रहे । त्यस्तै बिक्रमजित सिंहले २२ रन जोडे ।

बलिङमा नेपालका सोमपाल कामी, दीपेन्द्रसिंह ऐरी र अभिनास बोहराले एकएक विकेट लिए ।

यसअघि नेपालले १९ दशमलव दुई ओभरमा सवै विकेट गुमाएर एक सय ६ रन बनाएको थियो । नेपालका लागि कप्तान रोहितकुमार पौडेलले ३५ रन बनाए । उनले ३७ बल खेल्दै पाँच चौका प्रहार गरे।

यस्तै करन केसीले १२ बलमा १७ रन जोडे । गुल्सन झाले १४ तथा अनिल साहले ११ रन बनाएका थिए ।

बलिङतर्फ नेदरल्यान्ड्सका टिम प्रिङगनल र लगन भान वीकले तीन तीन तथा डी लिड र मकेरेनले दुई दुई विकेट लिएका थिए।

प्रकाशित मिति: Jun 5, 2024

प्रतिक्रिया दिनुहोस्