अख्तियार कार्यालयमा कार्यरत १६ कर्मचारीमा कोरोना पुष्टि
अख्तियार दुरुपयोग अनुसन्धान आयोगको केन्द्रीय कार्यालयमा कार्यरत १५ कर्मचारीमा कोरोना पुष्टि भएको छ ।
आइतबार १८२ जनाको स्वाब संकलन भएकोमा १५ जनामा संक्रमण देखिएको हो । त्यसअघि शुक्रबार एक सुरक्षाकर्मीमा संक्रमण देखिएपछि थप कर्मचारी तथा सुरक्षाकर्मीको स्वाब संकलन भएको हो ।
शुक्रबार संक्रमण देखिएका सुरक्षाकर्मीसहित अख्तियारमा रहेका १६ जनामा संक्रमण पुष्टि भएको हो । संक्रमण पुष्टि भएकाहरुको कन्ट्याक्ट ट्रेसिङ्गको काम भइरहेको अख्तियारले जनाएको छ ।
संक्रमित हुनेमा १४ जना प्रहरी र एक सिभिल ड्राइभर रहेको बताइएको छ । प्रमुख आयुक्तसहित अन्यको रिपोर्ट भने नेगेटि आएको छ ।
