UAE विरुद्धको पहिलो टी-२० खेलमा नेपाल २१ रनले पराजित
काठमाडौं : UAE विरुद्धको टी-२० श्रृंखलाको पहिलो खेलमा नेपाल २१ रनले पराजित भएकाे छ । नेपालकाे तर्फबाट डेब्यु गरेका सन्दिप जाेराले अर्थशतकिय पारी खेले पनि अन्य खेलाडि चल्न नसक्दा नेपाल पराजित भएकाे हाे ।
१५४ रनकाे लक्ष्य लिएर मैदानमा उत्रेकाे नेपालका लागि सन्दिप जाेराले ५३, साेमपाल कामीले २७ र पारस खड्काले २५ बनाउनु बाहेक अन्य खेलाडीले दाेहाेराे अंक बनाउन सकेनन् ।
युएईका लागि साइमान अनवारले आक्रमक ब्याटिङ गर्दै ३८ बलमा ५९ रन बनाएका थिए भने उस्मान, रिजवान र वाेटाले क्रमश ३०,२२ र २० रन बनाउँदै १५३ रनकाे याेगफल बनाएका थिए ।
बलिङ्गमा नेपालका सन्दिप लामिछाने र बसन्त रेग्मीले २-२ तथा अभिनास बाेहाेरा र साेमपाल कामीले १-१ विकेट लिए ।
अब नेपालले भाेली दाेस्राे टी-२० खेल खेल्नेछ ।
