डायरेक्टर जफरले सलमानको चलचित्र ‘भारत’ मा लगाए रोक
सलमान खान को चलचित्र ‘भारत’ पछिल्लो दिनमा चर्चा पाए सँगै शूटिंगको काममा डायरेक्टर अली अब्बास जफरले रोक लगाएका छन् ।
चलचित्रको दिल्ली र पञ्जाबको शूटिंग सकिएको छ । यसको सम्पादन कार्य पनि सुरु भइसकेको छ । तर अन्य क्षेत्रमा बाँकी रहेको शूटिंगको काममा डायरेक्टर अली अब्बास जफरले रोक लगाएका छन् । यसको कारण भने सलमान खान हुन् ।
डायरेक्टरले ट्विट गरेर भनेका छन्, ‘भारत को दिल्ली र पञ्जाब शेड्यूलको शूटिंग सकिएको छ । फिल्मको अन्तिम शेड्यूल अब न्यू ईयरमा शूट गरिनेछ । भाई (सलमान खान) को बर्थडे रहने महिनामा कसले काम गरिरहन्छ र ?’
साथै डायरेक्टर जफरले आफूहरु सम्पादनको काममा लागिरहेको पनि जानकारी दिएका छन् ।