संसदको नियमावली पारित गर्न संघीय संसद्को संयुक्त बैठक बस्दै
काठमाडौँ स् मन्त्रिपरिषदको सिफारिस अनुसार राष्ट्रपति विद्यादेवी भण्डारीले संघीय संसद्को संयुक्त बैठक आइतवार अपराह्न ४ बजेका लागि आह्वान गरेकी छन्। बैठकमा प्रतिनिधिसभा र राष्ट्रियसभाको संयुक्त बैठक सञ्चालन सम्बन्धी नियमावली पेस गर्ने र आजै पारित गर्ने कार्यसूची तय भएको छ ।
यसअघि जेठ २८ गते बोलाइएको संयुक्त बैठक प्राविधिक कारण देखाएर स्थगित गरिएको थियो । संयुक्त बैठक सञ्चालनको अन्तरिम कार्यविधि समेत नभएको र सदस्यहरुलाई बैठकमार्फत खबर नगरिएको भन्दै बैठक स्थगित गरिएको थियो । स्पष्ट व्यवस्था नभएपछि सरकारले संविधानको धारा ९३ अनुसार बैठक आह्वानका लागि राष्ट्रपतिसमक्ष सिफारिस गरेको थियो ।
आइतबारको बैठकमा संयुक्त नियमावली मस्यौदा समिति सभापति कृष्णभक्त पोखरेलले नियमावलीको मस्यौदा संयुक्त बैठकमा पेस गर्नेछन् ।
