सुनसरीमा उत्साहपूर्ण उम्मेदवारी मनोनयन (फोटो फिचर)
इनरुवा । सुनसरी जिल्लामा उत्साहपूर्ण रुपमा स्वतन्त्रसहित विभिन्न दलका उम्मेदवारहरुले मनोनयन गर्दा गराएका छन ।स्वतन्त्रहरु आफ्नो समर्थक र प्रस्तावकसहित मनोनयन दर्ता गर्न आएपनि नेकपा एमाले, नेपाली कांग्रेस र नेकपा माओवादी केन्द्रका उम्मेदवारहरुले ठूलो माससहित निर्वाचन अधिकृतको कार्यालयमा आएर मनोनयन दर्ता गराएका छन ।
सुनसरी जिल्लाको सदरमुकाम इनरुवामा स्वतन्त्रबाट महेश्वरी न्यौपाने, डा. जयशंकर मेहता, उपमेयरमा ज्योति शुब्बा र पारस गेलालले मनोनयन गर्दा गराएका छन । वडाध्यक्षमा वडा नम्बर १ बाट लक्ष्मी साह, रोसन अधिकारी, वडा नम्बर २ बाट सुमि रानामगर र वडा नम्बर ३ बाट ऋषिराम सुवेदीले मनोनयन दर्ता गराएका छन ।
दलहरुतर्फ नेकपा एमाले, नेपाली कांग्रेस, राप्रपा, फोरम लोकतान्त्रिक, संघीय समाजवादी फोरम नेपालका उम्मेदवारहरुले आ–आफ्नो मनोनयन दर्ता गराईसकेका छन ।
