संशोधनमा कुरो मिलेन: संसद बैठक स्थगित
काठमाडौं, ११ फागुन । व्यवस्थापिका संसदको बैठक आज पनि बस्दै नबसी स्थगित भएको छ । आज दिउँसो दुई बजे बस्ने भनिएको संसद बैठक भोलि दिउँसो ३ बजेसम्मका लागि स्थगित गरिएको छ ।
आजको बैठकमा संविधान संशोधन विधेयक पेश गर्ने तयारी थियो । सो विधेयकलाई पेश गर्नै नदिने र पेश गरिए असफल पार्ने एमालेसहित विपक्षी नौ दलले चेतावनी दिएका छन् । मंगलबारको बैठक पनि सूचना टाँसेर स्थगित गरिएको थियो ।
