हवाईको ज्वालामुखी क्यामराको लागि ‘हाँस्यो’, तस्बिर भयो भाइरल
एजेन्सी, प्याराडाइज हेलिकप्टरले कैद गरेको ज्वालामुखीको एउटा तस्बिर आजकाल निकै भाइरल भइरहेको छ । किलाउइया पु भित्र रहेको लाभा बाहिर निस्कने क्रममा एउटा हँसिलो अनुहारको आकृति लिएको उक्त तस्बिर हेर्दा निकै आकर्षित छ ।
संसारको ‘मोस्ट एक्टिभ भोल्क्यानो’ मध्येको एक यो ज्वालामुखी ३३ वर्षदेखि लगातार रुपमा बिस्फोटन भइरहेको छ । फोटोग्राफर माइक क्याल्बरले ‘हाँसिरहेको ज्वालामुखी’ को तस्बिर कैद गरेका हुन् ।
अनुहारभित्र ठूला र बलेका आँखा, मुसुक्क मुस्कुराएको जस्तो मुख । हफिंगटन पोष्टका अनुसार हवाईको बिग आइल्याण्डमा अवस्थित किलाउइया मुस्कुराउनुको पनि कारण छ ।
आफ्नो यो फोटोले धरै मानिसहरुलाई आकर्षित गर्ने आफूलाई पूर्ववत् जानकारी भएको उनले बताए । तस्बिर भाइरल हुने कुरामा आफू पहिले नै ढुक्क भएको उनले जानकारी दिए ।
