Logo
१० जेष्ठ २०७९, मंगलबार
(June 12, 2016)

‘सामाजिक उत्तरदायित्वका लागि पत्रकारिता’

दशरथ रंगशालाबाट यसरी भयो नयाँ शक्ति पार्टीको घोषणा (फोटो फिचर सहित)

काठमाडौं । नयाँ शक्ति नेपालको औपचारिक रुपमा घोषणा गरिएको छ । नयाँ शक्ति नेपालका संयोजक बाबुराम भट्टईले आफ्नै नेतृत्वमा आइतबार राजधानीको दशरथ रंगशालाबाट पार्टीको औपचारिक रुपमा घोषणा गरे । 
सो अवसरमा नयाँ शक्तिका सदस्यहरुलाई भट्टराईहरुले साुमहिक  रुपमा सपथ समेत गराएका थिए । घोषणासभामा  ‘जाग लम्क चम्क हे नौ जवान हो,’ जस्ता उर्जाशील गीतको धून बजाइएको थियो  ।
यसअघि नयाँ शक्तिलाई अभियानको रुपमा सञ्चालन गरिँदै आएको थियो ।   आर्थिक समृद्धिमा जोड दिँदै आएको नयाँ शक्तिले  आफूलाई वैकल्पिक राजनीतिक शक्तिको रुपमा चिनाउने प्रयास  समेत गरेको  छ ।
गत असोज ९ गते राजधानीमा पत्रकार सम्मेलन गरि तत्कालिन एमाओवादीबाट भट्टराईले राजीनामा दिएसँगै नयाँ शक्तिको अभियान औपचारिक  सुरु भएको थियो ।

म मेरो घरको नक्सा कोर्दिन, म जनताको घरको नक्सा कोर्नेछु – बाबुराम भट्टाराई
बाबुराम भट्टराईले जनतालाई सम्बोधन गर्ने क्रममा संविधानमा नसमेटिएका मधेसी, आदिवासी,ामहिला लगायतका मागलाई यही संविधानमा टेकेर संविधान संशोधन गरेर माग सम्बोधन गर्नुपर्ने बताए ।  सबै जाति, भाषा र संस्कृतिलाई बराबर अधिकार दिन सकिएन भने देशमा शान्ति हुँदैन ।

त्यसैले सबै समुदायलाई समानुपातिक अधिकार राज्य सत्ता र पार्टीमा सहभागी गराएर सम्पन्न गराउनुपर्नेमा जोड दिए । उनले आर्थिक विकास गरि १५ वर्ष भित्र विकासको चरणमा पुर्याएर बेरोजगारीलाई निर्मुल गर्न सकिने बताए ।  विकास र समृद्धिका लागि शान्तिको आवश्यक पर्ने बताए ।

अहिलेको संसदीय व्यवस्थाले स्थिर विकास हुन नसक्ने बताए । एउटा व्यक्ति २ कार्यकाल मात्र काम गर्न पाउने नियम बनाउनुपर्ने बताए ताकि नयाँ नयाँ व्यक्तिले पनि मौका पाउँछन् ।  नेपाल दुईढुंगाको तरुल बनेर बस्न सक्दैन् ।  चिन र भारतको बिचमा रहेको नेपालमा यी दुईवटा देशलाई मिलाएर जान सकेनौ भने देशमा अस्थिर आउँछ । बाह्य शक्तिको चलखेललाई व्यवस्था गर्नुपर्ने बताए ।

देशमा आर्थिक विकास गरेर देखाउन सकिनएन भने छिमेकीको बजार बढ्ने बताए । आफ्ना छोराछोरीलाई विदेशमा होइन नेपालमै शिक्षा दिने व्यवस्था गर्नुपर्छ र देशमै काम गरि देशमा जिवन बिताउने बातावरण सृजना गर्नुपर्ने बताए ।  राजनीतिलाई फोहोर होइन सफा राजनीति गराउन चाहान्छौं ।

भ्रष्टाचारको स्रोतलाई निर्मुल गराउन चाहान्छौ, देशमा विधिको शासन चलाउनुपर्ने बताए भने भ्रष्टाचारी कसैलाई नछाड्ने नयाँ शक्तिको निर्णय गरेको पनि उनले बताए । भट्टाईले भने म अरुको निम्ती घर बनाउनेछु । म मेरो घरको नक्सा कोर्दिन । म जनताको घरको नक्सा कोर्नेछु, कुनै निजी सम्पति जोड्ने छैन, व्यक्तिगत स्वार्थमा लाग्नेछैन । उनले प्रतिबद्धता व्यक्त गरे ।

प्रकाशित मिति: Jun 12, 2016

प्रतिक्रिया दिनुहोस्