पत्रकार सम्मेलन गरी मोदीको सर्टिफिर्केट सार्वजानिक, तर त्योपनि नक्कली !
काठमाडौं । भारतीय जनता पार्टीका अध्यक्ष अमित शाह र भारत सरकारका एकजना सिनियर मिनिस्टर अरुण जेटलीले सोमबार प्रधानमन्त्री नरेन्द्र मोदीको बीए र एमएको डिग्रीको कपी पत्रकारहरुलाई बाँडेका छन् ।
दिल्ली स्तित भाजपा मुख्यालयमा आयोजित पत्रकार सम्मेलनमा शाह र जेटलीले बताए अनुसार मोदीले दिल्ली विश्वविद्यालयबाट बीए र गुजरात विश्व विद्यालयबाट एमए पास गरेका छन् । भारतिय टेलिभिजन एबिपि न्यूजमा खबर छ ।
प्रधानमन्त्री मोदीको डिग्रीलाई लिएर आम आदमी पार्टीका प्रमुख एवं दिल्लीका मुख्यमन्त्री अरविन्द केजरीवालले प्रश्न उठाएका थिए ।
पत्रकार सम्मेलनमा भाजपा अध्यक्ष शाहले भनेका छन्, केजरीवालले मोदीको डिग्रीलाई लिएर जुन विवाद सुरु गरे, उनले देश र दुनियासँग माफी माग्नुपर्छ ।’वित्तामन्त्री जेटलीले केजरीवालको आरोप आधारधीन र राजनीतिको निकै तल्लो स्तरको भएको बताए ।
तर आपले भन्यो त्यो पनि नक्कली हो
यसैबीच, भारतीय जनता पार्टीले पत्रकार सम्मेलन गरेर प्रधानमन्त्री नरेन्द्र मोदीको बीए र एमएको प्रमाणपत्रको कपी बाडिएपनि आम आदमी पार्टीले भाजपाले सार्वजनिक गरेको मोदीको प्रमाणपत्र नक्कली भएको दाबी गरेको छ ।
भारतिय टेलिभिजन एबिपि न्यूजका अनुसार भारतीय प्रधानमन्त्री मोदीको डिग्रीलाई लिएर आम आदमी पार्टीका प्रमुख एवं दिल्लीका मुख्यमन्त्री अरविन्द केजरीवालले प्रश्न उठाएका थिए ।भाजपा मुख्यालयमा आयोजित पत्रकार सम्मेलनमा भारतीय जनता पार्टीका अध्यक्ष अमित शाहले मोदीको बीए र एमएको डिग्रीको कपी पत्रकारहरुलाई बाँडेका थिए । मोदीले दिल्ली विश्वविद्यालयबाट बीए र गुजरात विश्व विद्यालयबाट एमए पास गरेको उनले जानकारी दिए ।
मोदीको प्रमाणपत्र सार्वजनिक गर्दै शाहले अब केजरीवालले माफी माग्नुपर्ने दाबी गरे । तर, आम आदमी पार्टीले सार्वजनिक प्रमाणपत्र नक्कली भएको दाबी गरेको छ ।
दिल्लीमा आयोजित पत्रकार सम्मेलनमा आपका नेता आशुतोषले प्रधानमनत्रीको बीए र एमएको डिग्रीमा भएको नाम फरक भएको बताए ।
उनका अनुसार बीएको प्रमाणपत्रमा नाम नरेन्द्रकुमार दामोदर दास मोदी छ भने एमएको डिग्रीमा नाम नरेन्द्र दामोदर दास मोदी मात्र छ ।
उनले भने, मोदीको बीएको अंकपत्र र डिग्रीमा परीक्षा वर्षपछि फरक फरक छ । अंकपत्रमा वर्ष १९९७ र डिग्रीमा १९७८ छ ।’ तस्विर : सौजन्य एबिपि न्यूज
