साइप्रसमा आत्महत्या गरेकी भनिएकी अञ्जु जिउँदै रहेको खुलासा !
काठमाडौं । रोजगारीकै लागि साइप्रस पुगेकी रामेछाप जिल्ला निवास अञ्जु सुनुवारले आत्महत्या गरेको भनेर आएको समाचारमा सत्यता नरहेको परिवारजनले जनाएको छ । सो समाचारले परिवारमा तनाव भएको भन्दै आफन्तहरूले आपत्ति जनाएका हुन ।
अञ्जु सुनुवारका भाइ विजय सुनुवारले आफ्नी दिदी साइप्रसमा रोजगारीका लागि नगएको दाबी गरे । ‘उहाँ (अञ्जु) दुबईमा बिगत दुई वर्षदेखि रोजगारीमा हुनुहुन्छ, उहाँले आत्महत्या गरेको कुरा सबै झुठो हो, उनले भने ।
दिदी अञ्जुले आत्महत्या गरेको भनेर कसले र किन समाचार दियो होला भनेर अचम्म मान्दै भ्रमक समाचार लेख्नेविरुद्ध उजुरी दिने चेतावनी दिए । उनले भने ‘‘मेरो जिउँदो दिदीलाई आत्महत्या गरेको भनेर समाचार दिनेहरूविरुद्ध उजुरी दिन्छु, कानुनी उपचार खोज्छु ।
बाबु कृष्णबहादुर सुनुवार र आमा मैया सुनुवारकी छोरी अञ्जुले साइप्रसमा अघिल्ले शनिबार आत्महत्या गरेको समाचार आएको थियो ।
तर, सो समाचार गलत रहेको विजय सुनुवारले बताए । ‘मेरो दिदी दुबइमा जीवित हुनुहुन्छ’, विजयले ने ‘विश्वास लाग्दैन भने फोनमा कुरा गराउन सक्छु ।
झापाको निशान राई भन्नेसँग आफ्नी दिदीको कुनै सम्बन्ध नरहेको विजयले दाबी गरेका छन । साइप्रसमा अञ्जु सुनुवारले निशान राईसँगको फेसबुकपछिको मायापिरतीका कारण साइप्रसमा आत्महत्या गरेको भन्दै एक अनालाइनले त्यहाँ स्थित एक जनाको बाइलानमा समाचार सम्प्रेसन गरेको थियो ।
गैर आवासीय नेपाली संघ राष्ट्रिय समन्वय परिषद् साइप्रसका अध्यक्ष सुवास मल्ल र राजमाया सुनुवारको पनि हावाला दियएको थियो ।
