आइपिएलमा आज मुम्बई भर्सेज पञ्जाब
भारतमा जारी बाह्रौ संस्करणको इन्डियन प्रिमियर लिग (आइपिएल) मा बुधबार रोहित शर्माको कप्तानीमा रहेको टोली मुम्बई इन्डियन्स र रविचन्द्रन आश्वीनको कप्तानीमा रहेको टोली किङ्स-११ पञ्चाबबिच प्रतिस्पर्धा हुने भएको छ।
खेल नेपाली समय अनुसार बुधबार बेलुका ८ बजेर १५ मिनेटमा सुरु हुनेछ। पञ्चाब आफूले खेलेका ६ खेलमध्ये ४ मा जित निकाल्दै ८ अंकसहित अंकतालिकाको तेस्रो स्थानमा रहेको छ भने मुम्बई खेलेका ५ खेलमा ३ जितसहित ६ अंकका साथ ५औँ स्थानमा रहेको छ।
आइपिएलको हालसम्मको अंक तालिका अनुसार ६ खेल मध्ये ५ मा जित निकालेको महेन्द्रसिंह धोनीको कप्तानीमा रहेको चेन्नई सुपर किङ्स १० अंकसहित अंकतालिकाको शीर्ष स्थानमा भने आफूले खेलेका ६ वटै खेल गुमाएको विराट कोहलीको टोली रोयल च्यालेन्जर्स वैंगलोर अंकतालिकाको पुछारमा छ।
मुम्बई इन्डियनमा निता अम्बानी र पञ्जाबमा बलिउड अभिनेत्री प्रीति जिन्टाले लगानी छ।
