कोभिडविरुद्धको चिनियाँ खोप चैत २५ गतेदेखि लगाउने सरकारको निर्णय
चीनले नेपाललाई अनुदानमा दिएको कोरोनाविरुद्धको भेरोसेल खोप चैत २५ गतेदेखि लगाउने सरकारले निर्णय गरेको छ ।
खोप काठमाडौं उपत्यकाका अस्पताल र प्रदेशस्तरीय अस्पतालमा मात्रै लगाउने योजना बनाएको स्वास्थ्य तथा जनसंख्या मन्त्रालयले प्रवक्ता डा. जागेश्वर गौतमले जानकारी दिए ।
मन्त्रालयले यसअघिनै ४० देखि ५९ वर्ष उमेर समूहका नागरिकलाई खोप दिने निर्णय गरेको थियो ।चिनियाँ खोप कम्पनी सिनोफार्म बेइजिङ इन्स्टिच्युटले उत्पादन गरेको खोपको ८ लाख डोज गत १६ चैतमा नेपाल आएको थियो ।
चीन भ्रमणमा जानेहरु, अध्ययनका लागि जाने विद्यार्थी, व्यापार व्यवसाय गर्न जानेलाई प्राथमिकतामा राखिने उनले बताए ।