बुटवल कोरोना विशेष अस्पतालमा उपचाररत गुल्मीका एक पुरुषको मृत्यु
लुम्बिनी प्रदेश स्थित रुपन्देहीको बुटवल कोरोना विशेष अस्थायी अस्पतालमा उपचारत गुल्मीका एक कोरोना संक्रमितको मृत्यु भएको छ ।
गुल्मीको सत्यवती गाउँपालिका–६ का ६२ वर्षीय पुरुषको उपचारका क्रममा बुधबार राति मृत्यु भएको हो ।
कात्तिक २३ गते कोरोना परीक्षण रिपोर्ट पोजेटिभ आएपछि सोही दिन अस्पताल भर्ना भएका उनको बुधबार राति १२ः४५ बजे मृत्यु भएको लुम्बिनी प्रादेशिक अस्पतालका प्रवक्ताले जानकारी दिए ।
लुम्बिनी प्रदेशमा कोरोना संक्रमितको मृत्यु हुने संख्या २ सय ४० पुगेको छ ।प्रदेश स्वास्थ्य निर्देशनालयका अनुसार गुल्मीमा कोरोना संक्रमितको मृत्यु हुने संख्या १० पुगेको छ ।
